Estadio online | ES | EUS
Menu

Denboraldi egitaraua

Aisia aktiboa eta ongizatea

Osasun krisi honekin, are gehiago nabarmendu da zer-nolako garrantzia duten osasuna eta ongizatea zaintzeak, aire zabalak eta ingurumenak, adituen jakintzek, eta zure bizilekuan ingurune natural irisgarria izateko aukerak (eta horretaz gozatzen dugu Gasteizen). Horren guztiaren osagarri, gainera, hirian bertan ditugu aisia aktiborako prestatutako guneak, guztia bateratu ahal izateko (instalazioak, jolasa, aire librea, kirola, osasuna, jarduerak, ongizatea, esperientzia, konpainia, zerbitzua, igerilekuak, lorategiak, giza taldea...), arrazoizko prezioan eta familia osoarentzat, hala nola Estadio.

Are konbentzituago gaude gure garapen fisiko, mental eta emozionalerako jarduera egin behar dugula erregulartasunez. Eta, luzaroan kutsadura iturritzat ikusi izan den arren, aitzitik konponbidearen parte dela, duen babes funtzioagatik. Koronabirusaren pandemia hondamendia izan da haur eta heldu askorentzat, arrazoi batzuengatik eta beste batzuengatik, eta galarazi egin die jarduera fisikoa, zenbaitek garatzeko behar dutena, eta beste zenbaitek beren osasuna eta independentzia mantentzeko behar dutena. Uda lasaitu ederra izan da, eta galdutako denbora berreskuratzen jarraitu beharko dugu.

Hona hemen 2021/22 Denboraldiko Jarduera Programa berria. Beteta dago proposamenez (batez ere haurrentzat eta adintsuentzat) eta berrikuntzez (bereziki aire zabalean eta adimenarentzat), datorren urte osoan ere Estadioa zuentzat gimnasio edo igerileku bat baino askoz gehiago izan dadin, eta «leku zoriontsu» hori izaten jarrai dezan: jolasteko, dibertitzeko, mugitzeko, gozatzeko, ikasteko, elkartzeko, atseden hartzeko, laguntasuna emateko... plazer hutsagatik jokoak, jarduera fisikoa eta kirola egiteko toki atsegina, irekia eta arduratsua. Gure eta guretarren osasunerako, aisiarako eta ongizaterako toki baliotsua baita.

2021/2022 denboraldi on!

Kontsulta ezazu gida






Badakizu, zailena mantentzea dela. —gure ariketak egiten hasten diren pertsonen % 25ek aste baten buruan uzten du, eta % 50 baino gehiagok 6 hileren buruan. Hona hemen gure aholkuak kirola jarraitutasunez egiteko: hautatu hurbil duzun instalazio bat, ordutegi eta iraupen egokiak, jarduera dibertigarria, konpainia onean, ezarri itzazu helburu errealistak; aldatu jardueraz edo ibilbidez; egin entrenamenduak; bilatu zeure bikotekidearen edo familiaren laguntza, eta jaso idatziz edo saritu zeure arrakastak.